Հրապարակվեց: Пт, Ноя 02, 2018
...

Պետական վերահսկողական ծառայության պետ Դավիթ Սանասարյանը որոշում է կայացրել անդամակցել «Քաղաքացիական պայմանագրին»

Տարածել
Tags

Պետական վերահսկողական ծառայության պետ Դավիթ Սանասարյանը դուրս է եկել «Ժառանգություն» կուսակցությունից օրեր առաջ և անդամակցելու է «Քաղաքացիական պայմանագրին»։

Այս մասին Սանասարյանը քիչ առաջ հայտարարեց ֆեյսբուքյան ուղիղ եթերի ժամանակ: Նա նշեց, որ տարիներ առաջ է անդամակցել «Ժառանգություն» կուսակցությանը:

Սանասարյանը նշեց, որ 2017-ից բացակայել է Հայաստանից, կուսակցության որոշ որոշումների հետ համաձայն չի եղել, նաև չի մասնակցել կուսակցության քաղաքական որոշումներին:

«Կար մոտեցում, որ կմնամ անկուսակցական, բայց նաև մտածում եմ, որ եթե մենք քաղաքական թիմ ենք, ապա քաղաքական որոշումների կայացման մեխանիզմը սկսում է հենց քաղաքական կուսակցությունից»,- ասաց նա:

Ապա նա անդրադարձավ ապագային՝ նշելով. «Պետք է շարունակել վստահ լինել, այն փոփոխությունները, որ մենք ստանձնել ենք, և առաջիկա կարևոր գործողությունները ԱԺ ընտրություններն են: Ես չգիտեմ՝ կմասնակցեմ ԱԺ ընտրություններին, թե կմնամ այս աշխատանքին»,-հավելեց նա:

Դավիթ Սանասարյանն ընդգծեց, որ ամեն դեպքում, առաջիկայում լուրջ փոփոխություններ են սպասվում: «Հուսամ՝ եթե մասնակցեմ ընտրություններին, քարոզարշավին, շատերիդ առիթ կունենամ տեսնելու, և մենք կանենք մեր քայլը ՀՀ փողոցներում»,-եզրափակեց նա:

Մեկնաբանություններ