Հրապարակվեց: Ср, Апр 10, 2019
...

Չեխիան կատարում է ԼՂ հակամարտության տարածաշրջան ռազմական տեխնիկայի մատակարարումների ԵԱՀԿ սահմանափակումների պահանջները. Լյուբոմիր Մետնար

Տարածել
Tags

Չեխիան կատարում է Լեռնային Ղարաբաղի հակամարտության տարածաշրջան սպառազինության մատակարարումների էմբարգոն: Այս մասին Երևանում հայտարարել է Չեխիայի պաշտպանության նախարար Լյուբոմիր Մետնարը:

«Չեխիան կատարում է էմբարգոյի պահանջները, մասնավորապես՝ տարածաշրջան ռազմական տեխնիկայի մատակարարումների ԵԱՀԿ սահմանափակումները: Մենք հավասարապես ենք հեռու կամ մոտ Հայաստանին և Ադրբեջանին և աջակցում ենք հակամարտության բացառապես խաղաղ կարգավորմանը»,- նշել է նա:

Լյուբոմիր Մետնարը տեղեկացրել է, որ 2016-17 թթ. եղել են հաուբիցների և արձակման կայանքների արտահանման լիցենզիա ստանալու դիմումներ, սակայն Չեխիայի ներքին գործերի նախարարության առաջարկով դրանք մերժվել են:

Պատասխանելով Ադրբեջանին չեխական տեխնիկայի մատակարարումների հետ կապված աղմկահարույց պատմությանն առնչվող հարցին՝ չեխ նախարարն ասել է, որ Չեխիան առաջին հերթին կատարում է միջազգային նորմերի և սեփական օրենսդրության պահանջները և խստորեն վերահսկում է ռազմական տեխնիկայի արտահանման լիցենզավորման գործընթացը:

«Հաուբիցների մատակարարումը ոչ թե իրականացրել է Չեխիան, այլ` երրորդ կողմը: Մենք կատարում ենք միջազգային էմբարգոյի պահանջները և Ադրբեջան մատակարարումները չենք լիցենզավորում»,- հայտարարել է Լյուբոմիր Մետնարը:

Մեկնաբանություններ