Հրապարակվեց: Вт, Июн 25, 2019
...

«Հավանաբար Օբաման ինչ-որ բան գիտի, այդ պատճառով չի աջակցում Բայդենի թեկնածությանը». Թրամփը՝ 2020թ. նախագահական ընտրությունների մասին

Տարածել
Tags

Միացյալ Նահանգների նախագահ Դոնալդ Թրամփը, խոսելով 2020թ. նախագահական ընտրություններում իր գլխավոր մրցակցի՝ ԱՄՆ նախկին փոխնախագահ Ջո Բայդենի մասին, ասել է, որ նա սուտասան է:

The Hill-ին տված հարցազրույցում Թրամփն անդրադարձել է այն հարցին, թե ինչու նախկին նախագահ Բարաք Օբաման, որի oրոք Բայդենը փոխնախագահ է եղել և որի հետ նա շատ ջերմ հարաբերությունների մեջ է, պաշտոնապես իր աջակցությունը չի հայտնել Դեմոկրատական կուսակցությունից նախագահի թեկնածուին:

«Նա ստում է, երբ ասում է, որ անձամբ է Օբամային խնդրել չաջակցել իրեն: Այդ ինչպե՞ս ստացվեց, որ Օբաման չի աջակցում Բայդենին: Հավանաբար այստեղ ինչ-որ լուրջ գաղտնիք կա: Չէ՞ որ նա փոխնախագահն էր և, ինչպես երևում էր, նրանք շատ լավ լեզու էին գտել: Բայդենին հիասթափեցրել է այն փաստը, որ Օբաման իրեն չի աջակցում, ուստի՝ նրան այլ բան չի մնում, քան հայտարարելը, թե «ես եմ նախագահ Օբամային խնդրել չաջակցել ինձ»: Չի բացառվում, որ Օբաման այնպիսի բան գիտի, որ նման կերպ է վարվում»,-ասել է նախագահը:

Նա հավելել է, որ Բայդենն ամեն հարցում շատ տարօրինակ է:

Պարբերականը գրում է, որ Բայդենը նախագահական մրցապայքարին մասնակցելու մասին պաշտոնապես հայտարարել էր ապրիլին: Օբաման գովել էր որոշումը, սակայն իր աջակցության մասին չէր խոսել:

Մեկնաբանություններ