Հրապարակվեց: Пн, Мар 04, 2019
...

Թրամփը պատրաստ է Կիմ Չեն Ընի հետ նոր հանդիպում անցկացնել. Բոլթոն

Տարածել
Tags

ԱՄՆ նախագահի ազգային անվտանգության հարցերով խորհրդական Ջոն Բոլթոնը CBS հեռուստաալիքին տված հարցազրույցում հայտարարել է, որ նախագահ Դոնալդ Թրամփը պատրաստ է նոր հանդիպում անցկացնել ԿԺԴՀ առաջնորդ Կիմ Չեն Ընի հետ, գրում է Life.ru-ն:

«Ինչպես ես ասացի, նախագահը լիովին պատրաստ է շարունակել բանակցություններն ավելի ցածր մակարդակով կամ կրկին հանդիպել Կիմ Չեն Ընի հետ, երբ դրա համար պատեհ ժամանակ լինի», — հայտարարել է Բոլթոնը՝ ընդգծելով, որ Կորեական թերակղզու ապամիջուկայնացման հարցով ամերիկյան կողմի առաջարկները վաղեմության ժամկետ չունեն:

Նրա կարծիքով՝ Հանոյում անցկացված գագաթնաժողովի արդյունքներն ավելի օգտակար էին Վաշինգտոնի համար, քան Փհենյանի, իսկ Թրամփին հաջողվել է լիովին պաշտպանել Միացյալ նահանգների ազգային շահերը:

Բոլթոնը վստահ է, որ ԱՄՆ-ը կարողացել է հերթական անգամ ցույց տալ ԿԺԴՀ-ին, թե ինչ ներուժ է նրա առջև բացվում զինաթափման դեպքում: Բացի այդ, Հյուսիսային Կորեային առաջարկվել է լավագույն գործարքը, որը նա երբևէ կարող է ստանալ:

Մեկնաբանություններ