Հրապարակվեց: Пн, Июл 29, 2019
...

Զոհրաբ Մնացականյանն ընդունել է Կալիֆորնիայի փոխնահանգապետին. Քննարկել են բարեփոխումների ընթացքը

Տարածել
Tags

Հուլիսի 29-ին ԱԳ նախարար Զոհրաբ Մնացականյանն ընդունեց Կալիֆորնիայի փոխնահանգապետ Ելենի Կունալակիսի գլխավորած պատվիրակությանը, որի կազմում էին Լոս Անջելեսի Կառավարիչների խորհրդի անդամ Քեթրին Բարգերը, Կոլորադոյի նահանգային սենատոր Դոմինիկ Մորենոն, Կոլորադո նահանգի Ներկայացուցիչների պալատի անդամ Դանեյա Էսգարը, Արիզոնայի նահանգային սենատորներ Փոլ Բոյերը եւ Օթոնիել Նավարետեն եւ «Հայ դատի» ԱՄՆ Արեւմտյան ափի հանձնախմբի անդամներ:

Ինչպես հայտնում  է NEWS.am-ը, ողջունելով հյուրերին Հայաստանում՝ նախարար Մնացականյանը նշեց, որ Միացյալ Նահանգների հետ հարաբերությունները եղել եւ մնում են Հայաստանի արտաքին քաղաքական առաջնահերթություններից մեկը: Երկուստեք դրական գնահատվեց վերջին շրջանում հայ-ամերիկյան բարեկամական եւ գործընկերային հարաբերությունների դինամիկան եւ ընդգծվեց փոխադարձ պատրաստակամությունը՝ նպաստելու երկկողմ օրակարգի ամրապնդման եւ ընդլայման ուղղությամբ՝ այդ թվում գիտակրթական, նորարարության, տեղեկատվական տեխնոլոգիաների, առեւտրատնտեսական եւ այլ ոլորտներում:

Կողմերը բարձր գնահատեցին Կալիֆորնիայի հասարակական — քաղաքական կյանքին իրենց նպաստն ունեցող մեծաթիվ հայ համայնքի դերը՝ որպես Հայաստանի եւ ԱՄՆ միջեւ հարաբերությունների եւ կապերի ամրապնդման յուրահատուկ կամուրջ:

Հայաստանի ԱԳ նախարարն անդրադարձավ Հայաստանում տեղի ունեցած վերջին զարգացումներին, կառավարության կողմից իրականացվող բարեփոխումների գործընթացին եւ երկրի արտաքին քաղաքական առաջնահերթություններին: Նախարար Մնացականյանը զրուցակիցներին ներկայացրեց Լեռնային Ղարաբաղի հիմնախնդրի կարգավորման գործընթացում Հայաստանի սկզբունքային դիրքորոշումը եւ մոտեցումները:

Մեկնաբանություններ