Հրապարակվեց: Пт, Мар 22, 2019
...

Ադրբեջանն ու Պակիստանը քննարկել են ռազմական համագործակցության զարգացման հեռանկարները

Տարածել

Բաքվում կայացել է Ադրբեջանի և Պակիստանի պաշտպանության նախարարների հանդիպումը, գրում է minval.az-ը՝ Ադրբեջանի պաշտպանության նախարարությանը հղումով:

«Չնայած աշխարհագրական առումով մեր երկրների հեռավորությանը՝ երկու ժողովուրդների միջև պատմականորեն բարեկամական հարաբերություններ են հաստատվել»,-նշել է Պակիստանի պաշտպանության նախարար Փերվեզ Խաթթակը՝ ընդգծելով, որ տարբեր ոլորտներում այդ հարաբերությունները զարգանում են և բավականաչափ ամրապնդվել են:

Նա նաև երկու երկրների միջև ռազմական համագործակցության մեծ ներուժ է կանխատեսել:

Խոսելով տարածաշրջանում ռազմաքաղաքական իրավիճակից՝ Ադրբեջանի պաշտպանության նախարար Զաքիր Հասանովն իր հերթին գործընկերոջը Ղարաբաղյան հակամարտության մասին մանրամասն տեղեկություններ է ներկայացրել՝ նշելով, որ Ադրբեջանն ու Պակիստանն աջակցում են միմյանց միջազգային կազմակերպություններում, ինչը համագործակցային հարաբերությունների մասին է վկայում:

Հանդիպման ընթացքում կողմերը քննարկել են անվտանգության, ռազմական, ռազմատեխնիկական, ռազմակրթական և այլ ոլորտներում համագործակցության զարգացման ուղիները, ինչպես նաև փոխանակվել հետաքրքրություն ներկայացնող մի շարք հարցերի շուրջ կարծիքներով:

Մեկնաբանություններ